Tailandın kurort şəhəri yaxınlığında kimyəvi qəza: Sakinlər təcili təxliyə
edildilər – FOTO/VİDEO
Bizim WhatsApp kanalımıza buradan abunə ola bilərsiniz
Tailandın Pattaya kurort şəhəri yaxınlığındakı Banq Lamunq bölgəsində yerləşən
buz fabrikində ammonyak sızması baş verib.
Sızmaya dəqiq nəyin səbəb olduğu məlum deyil.
Artıq 130-a yaxın insan xəsarət alıb. Zərərçəkənlərdən bəzisi huşsuz
vəziyyətdədir. Bir çoxu gözlərində və burunlarında yanma, həmçinin sinədə
sıxılma hissindən şikayət edir.
Üç kilometr radiusda olan bütün sakinlər təcili olaraq evlərindən təxliyə
ediliblər.
Turistlər təşviş içindədirlər ki, təsir zonası hotellərə də çata bilər.
Bölgənin fövqəladə hallar xidmətinin əməkdaşları sızmanın nəticələrinin yaxın
iki gündə aradan qaldırılacağına söz veriblər. Bu zaman ərzində evdən çıxmamaq
və pəncərələri açmamaq tövsiyə olunub. Baxmayaraq ki, sakinlərin bir çoxu
ammonyakın xarakterik qoxusunu hiss etməyib.
Mənbə: “SHOT” “Telegram”
