Tanınmış idmançımız Bəxtiyar Abbasov İspaniyanın Xixon şəhərində keçirilən sambo üzrə Avropa çempionatında bürünc medal qazanıb.
ÇıxışYolu.Com-ın xəbərinə görə, o, döyüş sambosunda bu gün üçüncü yeri tutub.
Bundan başqa, dünən 52 kq çəki dərəcəsində Nəsimi Umbayev bürünc medal qazanıb.
Qeyd edək ki, millimiz klassik samboda Avropa çempionatına ikinci heyətlə yollanıb. Buna səbəb əsas heyətin gələn ay Minskdə keçiriləcək Avropa Oyunlarına hazırlaşmasıdır.
Səbuhi MUSAYEV