Tanınmış müğənni və qarmon ifaçısı vəfat edib – FOTO/VİDEO
Bizim WhatsApp kanalımıza buradan abunə ola bilərsiniz
Tanınmış müğənni və qarmon ifaçısı Hüseynəli Həsənov (Hüseyn Bakılı) vəfat
edib.
Cixisyolu.com xəbər verir ki, bu barədə teleaparıcı Hacı Nuran Hüseynov “Facebook”
hesabında yazıb və onunla birlikdə çəkdirdiyi fotonu paylaşıb.
“Bu gün Azərbaycan qarmon ifaçılığında özünəməxsus xidmətləri olan Hüseyn
Bakılı vəfat edib. Bakını o qədər sevirdi ki, ləqəbində də onun adını
daşıyırdı. Qarmonu qədər ona sadiq olan dostu yox idi. Düz 50 il dostluq etdi
onlar. Onu həmişə sağlam, gümrah görmüşdüm. Elə doğmaları da, yaxınları da onun
heç bir xəstəliyi barədə eşitməyiblər. Ruhun şad olsun, gözəl insan”, –
paylaşımda deyilir.
