Türkiyənin Gürcüstandakı səfirliyində ASALA erməni terrorçu təşkilatının qətlə yetirdiyi türkiyəli diplomatların xatirəsi anılıb.
ÇıxışYolu.Com xəbər verir ki, bu barədə “Anadolu” agentliyi məlumat yayıb.
Tədbirdən əvvəl Gürcüstanın türk və azərbaycan icmasının nümayəndələri ermənilərin 23-24 aprel tarixlərində 1915 hadisələri ilə bağlı icazəsiz nümayişlərini pisləyən etiraz aksiyası keçirib.
Aksiya iştirakçıları əllərində Türkiyə, Azərbaycan və Gürcüstan dövlət bayraqlarını tutaraq, “Yaşasın Türkiyə, Gürcüstan, Azərbaycan dostluğu” şüarını səsləndirib.
Daha sonra səfirliyin binasında türkiyəli diplomatların anım mərasimi baş tutub.
Tədbirdə Türkiyə səfiri Fatma Ceren Yazqan Türkiyə prezidenti Rəcəb Tayyip Ərdoğanın Erməni patriarxiyasının İstanbulda təşkil etdiyi aksiyanın iştirakçılarına ünvanlandığı ismarıcı oxuyub.
“Yalan daima təkrarlanmaqla, ucadan səsləndirilməklə və ya insanların ona inanması üçün səy göstərməklə, həqiqətə çevrilmir”, – deyə ismarıcda qeyd olunur.
Qeyd edək ki, 1975-1985-ci illərdə ASALA erməni terrorçu qruplaşması 40-dan çox Türkiyəli diplomat və onların ailə üzvlərini və başqa ölkələrin vətəndaşlarını qətlə yetirilib, 300-dən çox insan yaralayıb.