Gürcüstanın baş naziri Qeorqi Kvirikaşvili minlərlə insanının etiraz aksiyası keçirdiyi parlament binası qarşısına gəlib.
ÇıxışYolu.Com xəbər verir ki, Kvirikaşvili çıxış etməyə çalışsa da, mitinq iştirakçıları səs-küy saylıb və onun fikrini səsləndirməsinə imkan verməyib.
Mitinq iştirakçıları hökumət əleyhinə müxtəlif şüarlar səsləndirir, baş naziri və hökuməti istefa verməyə çağırır.
Etirazçılar bir ağızdan “Çıx get” deyə car çəkib. Baş nazir mikrofona yalnız onu deyə bilib ki, hər bir vətəndaş kimi qalmaqala səbəb olan cinayət hadisəsinin obyektiv şəkildə araşdırılmasını istəyir.
Со своего поста уже ушел главный прокурор #Грузии. Но протестующие требуют отставки всего правительства страны. #Georgia #Protests pic.twitter.com/c0EYYGboWd
— Мировые РИА Новости (@RIA_Worldnews) 31 May 2018
23:51
Tbilisidə parlament qarşısına toplaşan mitinq iştirakçıları ədliyyə naziri Teya Sulukianinin istefasını tələb edir.
ÇıxışYolu.Com xəbər verir ki, bundan əvvəl etirazçılar ölkənin baş prokuroru Şotadzenin istefasına nail olub.
Aksiyanın təşkilatçısı ötən ilin dekabr ayında Tbilisinin mərkəzində baş verən kütləvi davada həlak olan 16 yaşlı yeniyetmənin atası Zaza Saralidzedir. İstintaqın qeyri-obyektiv aparıldığından və cinayətkarın əməlinin ört-basdır edildiyindən şikayətlənən valideyn hökumətə ultimatum verib.
“Ədliyyə nazirinin bəyanatı utanc gətirir. O vaxtlı-vaxtında istefa verməlidir. Bizim tələblər yerinə yetirilməsə, aksiya daha geniş miqyaslı olacaq, bizə digər bölgələrdən də insanlar qoşulacaq”, -deyə o mitinqdə çıxışında bildirib.
Mitinq iştirakçıları artıq parlament qarşısında çadır düşərgəsi qurmağa başlayıb. Onlar eyni zamanda baş nazir Qeorqi Kvirikaşvili və onun hökumətinin istefasını tələb edir.
Protests in #Tbilisi continues. A bit less music tonight. pic.twitter.com/oMNnrncEvx
— Mikheil Benidze (@mbenidze) 13 May 2018
21:57
Tbilisidə yüzlərlə insan parlament binasının qarşısına yürüş edib.
ÇıxışYolu.Com “RİA Novosti”yə istinadən xəbər verir ki, bundan əvvəl baş prokurorluq binası qarşısına toplaşan etirazçılar qurumun rəhbəri İrakli Şotadzenin istefasını tələb edib.
Tələbləri yerinə yetdikdən sonra, onlar parlament binasının qarşısına toplanmağa qərar verib.
Etirazlara səbəb 2017-ci ilin dekabr atında Tbilisinin mərkəzində baş verən davada yeniyetmənin öldürülməsidir.
Mitinq iştirakçıları istintaqın qeyri-obyektiv aparıldığını və prokurorluğun insident iştirakçılarından birinin əməlini ört basdır etməyə çalışdığını bildirir. İddiaya görə, himayə altında olan cinayətkarlardan biri qurumun keçmiş əməkdaşının oğludur.
“Bizim sayımız kifayət qədər çoxdur, biz bura toplaşmaqla təkcə öldürülmüş yeniyetmənin atasına dəstək olmuruq, eyni zamanda bütövlükdə sistemə qarşı etirazımızı ifadə edirik”, -deyə aksiya iştirakçılarından biri bildirib.
Etirazçıların istintaqın qeyri-obyektiv aparılmasına görə bütün günahkarların məsuliyyətə cəlb olunmasını istəyir.