SOCAR-la yüksək səviyyədə əməkdaşlığın nümunəsi “Abşeron” qaz-kondensat yatağının operatorluğunu “Abşeron Neft” Birgə İstismar Şirkətinin (JOCAP) həyata keçirməsidir.
ÇıxışYolu.Com xəbər verir ki, bunu “Total” şirkətlər qrupunun Cənubi Avropa və Xəzər regionu üzrə vitse-prezidenti Bernard Klementin energetika naziri Pərviz Şahbazovla görüşündə bildirib.
O deyib ki, yataqda ilk quyu VI nəsil Yarımdalma Qazma Qurğusu ilə qazılacaq və bu proses gələn ilin mart ayına kimi yekunlaşacaq:
“Abşeron” yatağı üçün platformanın inşası, ixrac boru kəmərinin layihələndirilməsi və quraşdırılması işlərinə isə bu ilin ortasında start veriləcək”.
“Abşeron” yatağında hasilatın 2020-ci ilə planlaşdırıldığını deyən Bernard Klement ilkin mərhələdə illik təxminən 1,5 mlrd. kubmetr, 2022-2023-cü illərdə 5 mlrd. kubmetr qaz hasilatının nəzərdə tutulduğunu diqqətə çatdırıb.