Türkiyə lideri Rəcəb Tayyip Ərdoğan ABŞ prezidentini əmin edib ki, Suriyada İŞİD qalıqlarını tamamilə məhv edəcək.
ÇıxışYolu.Com xəbər verir ki, bu haqda ABŞ prezidenti Donald Tramp öz “Twitter” hesabında verdiyi açıqlamada bildirib.
Onun sözlərinə görə, Ərdoğan İŞİD-dən qalan nə varsa, “kökündən kəsmək” niyyətində olduğunu açıqlayıb.
“O, bunu etməyə qadir olan insandır. Üstəlik, Türkiyə birbaşa Suriyanın qonşuluğunda yerləşir. Bizim hərbçilər evə qayıdır”, – deyə Tramp yazıb.
Xatırladaq ki, dekabrın 19-da Ağ Ev rəhbəri Donald Tramp ABŞ hərbçilərinin Suriya ərazisindən çıxarılacağını elan etmişdi. Prosesin 60-100 gün çəkəcəyi güman edilir.