ABŞ prezidenti Donald Tramp bəyan edib ki, CNN telekanalı dünyaya ölkəni yanlış obrazda təqdim edir.
ÇıxışYolu.Com xəbər verir ki, bu barədə o, özünün “Twitter” səhifəsində yazıb.
Tramp qeyd edib ki, CNN-in ölkənin hüdudlarından kənarda rəqiblərinin sayı azdır və böyük nüfuzu var. Onun sözlərinə görə, “güclü səs”ə malik CNN ölkədə baş verənləri dünyaya düzgün təqdim etmir.
“Bununla bağlı nə isə etmək lazımdır. Əslində kim olduğumuzu dünyaya göstərmək üçün ABŞ özünün ümumdünya şəbəkəsini yarada da bilər. Möhtəşəm!”, – deyə o vurğulayıb.