Ağ Evdən bildiriblər ki, ABŞ prezidenti Donald Trampın “tweet”lərindəki səhvlər bəzən məqsədyönlü şəkildə edilir.
ÇıxışYolu.Com xəbər verir ki, bununla bağlı “The Boston Globe” gizli mənbəyə istinadla məlumat yayıb.
Qeyd edilir ki, Trampa “Twitter”də paylaşım etməkdə Ağ Evin əməkdaşları yardım edir.
Prezident “tweet” yazmaq istəyəndə ona bir neçə variant təklif edilir və o lazım olanı seçir.
Mənbənin sözlərinə görə, Ağ Evin əməkdaşları “tweet”ləri Trampın stilində yazmağa çalışır. Onlar bunun üçün qrammatik səhvlərdən, durğu işarələrindən, təsadüfi sözlərdən istifadə edir.