Türkiyədə futbol hakimləri yeni qərarlarını açıqladılar
Bizim WhatsApp kanalımıza buradan abunə ola bilərsiniz
Türkiyədə Super Liqa hakimləri, VAR hakimləri, Super Liqa köməkçi hakimləri, A
kateqoriyalı hakimlər və A kateqoriyalı hakim köməkçiləri birgə yazılı açıqlama
veriblər.
“Bildiyiniz kimi, 11 dekabr 2023-cü ildə Ankarada keçirilən “MKE Ankaragücü” –
“Çaykur Rizespor” matçının final fitindən sonra dostumuz Halil Umut Melerin
məruz qaldığı iyrənc hadisədən sonra ortaq bir qərar verdik və növbəti
açıqlamamıza qədər heç bir müsabiqəyə qoşulmayacağımızı elan etdik.
Bu acınacaqlı hadisədən sonra başda prezidentimiz olmaqla bütün dövlət
orqanları, o cümlədən Türkiyə Futbol Federasiyasının prezidenti, İdarə
Heyətinin üzvləri, Mərkəzi Hakimlər Şurasının sədri və üzvləri çox sürətlə
radikal tədbirlər gördülər. Hadisə və onu törədənlər çox tez və qətiyyətlə
cəzalandırıldılar”, – deyə açıqlamada vurğulanıb.
Daha sonra hakimlər əlavə ediblər:
“Bütün bu hadisələr fonunda gəldiyimiz nöqtəyə son dərəcə tez reaksiya verən
dövlət orqanları, Türkiyə Futbol Federasiyası və məhkəmə orqanlarının atdığı
addımlardan sonra biz hakimlər olaraq futbol həyatının normal axarına qayıtması
üçün ictimai vəzifəmizə qayıtmaq qərarına gəldik”.
Mənbə: Haber Global