Türkiyəli müğənni Haluk Levent Azərbaycan tərəfinin Bakıda xeyriyyə konserti vermək təklifinə cavab verib.
ÇıxışYolu.Com xəbər verir ki, rok ifaçısı verəcəyi konsertdən toplanan vəsaiti “leykemiya” xəstəsi olan bir qızın müalicəsinə ayıracaq.
Haluk şəxsi “Twitter” hesabında bununla bağlı məlumat paylaşıb.
“Bir neçə gün öncə Azərbaycandan bir təklif aldım, tərəddüd etmədən qəbul etdim. Azərbaycan zəngimə cavab verdi və Surə Nadirovanın sağalması üçün bütün səylər göstərdi. Komandamız Bakıya dəvət olundu. “Nargis Fondu”nun dəstəyi ilə dekabrın 7-də “Elektra Events Hall”da konsert verəcəyəm. Bütün Azərbaycan xalqını gözləyirəm. Surə xilas olacaq”, – deyə Haluk qeyd edib.
Sura Nadirova
Lenfoma kanseri 22 yaşında
TC vatandaşı olmadığı için valilik izni yok.
400 bin Tl’ye ihtiyaç var.
Azerbaycan devlet yetkililerine sesleniyorum.
Bakü’de çok dinleyicim var.
Biletli konser ayarlayın toplanan parayı Sura için harcayalım.
Kardeşliğimizi pekiştirelim!❤️ pic.twitter.com/1ODLbh7gt0— Haluk Levent (@haluklevent) 30 сентября 2019 г.
Xatırladaq ki, daha əvvəl Levent 22 yaşlı Surə Nadirovanın müalicəsi üçün 400 min türk lirəsi (116.500 manat) tələb etdiyini və qan xərçəngi xəstəliyindən əziyyət çəkən bir qızın müalicəsi üçün xeyriyyə konserti verməyə hazır olduğunu bildirib.
Qeyd edək ki, Haluk Levent 1990-cı illərdə çoxdan unudulmuş Anadolu rok janrının canlanmasına kömək edib. Hazırda məşhur rok ifaçısı müxtəlif ölkələrdə qastrol səfərləri ilə çıxış edir.
Rəşad Əliyev