Türkiyəli musiqiçi Sertap Erenerdən “Avroviziya” sürprizi – FOTO/VİDEO
Bizim WhatsApp kanalımıza buradan abunə ola bilərsiniz
2003-cü ildə “Avroviziya”da Türkiyəyə birincilik gətirən Sertap Erener uzun
illərdən sonra yenidən mahnı müsabiqəsində səhnəyə çıxmağa hazırlaşır. Belə ki,
o bu il tədbirin keçiriləcəyi İsveçdən dəvət alıb.
Bu barədə məşhur ifaçı İstanbulda keçirdiyi konsertdə elan edib.
Ulduzun sözlərinə görə artıq hazırlıqlara başlayıb.
Sertap Erener yenə “Everyway That I Can” mahnısı ilə müsabiqəyə qatılacağını,
ancaq bu dəfə fərqli versiyada ifa edəcəyini vurğulayıb.
Qeyd edək ki, 2024-cü il “Avroviziya” Mahnı Müsabiqəsinin yarımfinalları 7-9
may tarixlərində, finalı isə mayın 11-də İsveçin Malmö şəhərindəki “Malmö
Arena”da keçiriləcək.
Mənbə: ntv.com.tr
