Türkiyənin sevilən aktyoru yaxşılıq etdiyi adamdan ölüm təhdidi aldı – FOTO
Bizim WhatsApp kanalımıza buradan abunə ola bilərsiniz
Türkiyən sevilən aktyoru Erdal Özyağcılar Beşiktaşda bir məkanda işləyən gəncə
yardım etməsinin qarşılığını ölüm təhdidi ilə alıb.
Bununla əlaqədar ustad aktyor prokurorluğa müraciət edib.
Onun sözlərinə görə, O.T. adlı şəxsə maddi vəziyyətinin ağır olması ilə
əlaqədar mütəmadi yardımlar edib. Ancaq bir müddətdən sonra kömək eləməyi
dayandırıb. Bundan sonra O.T. pul tələb edib, almadıqda isə təhqirlərə keçib,
ardınca da aktyora hədə-qorxu gələrək, onu öldürəcəyini deyib.
O.T. artıq saxlanılıb. Ona qarşı talama cəhdi və təhqirə görə ittiham aktı
açılıb.
İstintaq çərçivəsində ifadəsi alınan O.T. içki düşkünü olduğunu, müalicə
aldığını və dediklərini xatırlamadığını bildirib. O, həmçinin aktyordan üzr
istəyib.
“Lazım gəlsə, ondan aldığım pulu qaytararam”, – deyə O.T. bildirib.
O.T. yaxın günlərdə İstanbul Ağır Cəza Məhkəməsində hakim qarşısına çıxacaq.
Mənbə: Posta
