Ucarda yolu keçmək istəyən piyadaları minik avtomobili vurub.
“Report”un xəbərinə görə, hadisə Bakı-Qazax magistral yolunun Ucar rayonunun Küçəkənd kənd ərazisində baş verib.
Avtomobil yolu keçmək istəyən iki piyadanı vurub. Piyadanın biri aldığı ağır xəsarətdən hadisə yerində ölüb. Digər yaralı əraziyə gələn YPX əməkdaşları tərəfindən xəstəxanaya aparılan zaman yolda dünyasını dəyişib. Hazırda ölənlərin və hadisəni törədən sürücünün şəxsiyyəti dəqiqləşdirilir.
Faktla bağlı araşdırma aparılır.