Mayın 26-da Madridin “Real” klubu ilə üz-üzə gəlməli olan “Liverpul” UEFA-nın saytında Çempionlar Liqasının qalibi kimi təqdim olunub.
ÇıxışYolu.Com xəbər verir ki, bu barədə “Lenta.ru” məlumat yayıb.
Səhvi moderatorlar bir müddətdən sonra aradan qaldırsa da, “@BlueCarefree” adlı istifadəçi həmin məlumatın skrinşotunu “Twitter”də paylaşıb.
“UEFA artıq “Liverpulu” qalib elan etdi”, – deyə istifadəçi qeyd edib.
UEFA declared Liverpool as Winner already 🤔 pic.twitter.com/MCBV82sFyP
— Navin (@BlueCarefree) 5 May 2018
Qeyd edək ki, Çempionlar Liqasının yarımfinal mərhələsində “Liverpul” İtaliyalı rəqibi “Roma”dan üstün olub. Komanda iki oyunun nəticəsində görə, 7:6 hesabı ilə qalib gəlib və finala vəsiqə qazanıb.
Final matçı mayın 26-da Kiyevin “Olimpiya” stadionunda keçiriləcək.