UEFA yarımçıq qalan Belçika – İsveç matçı barədə qərar verdi
Bizim WhatsApp kanalımıza buradan abunə ola bilərsiniz
AVRO-2024-ün seçmə mərhələsi çərçivəsində Brüsseldə baş verən terror aktına
görə yarımçıq qalan Belçika – İsveç oyunu davam etdirilməyəcək.
UEFA yekun nəticə kimi matçın dayandırıldığı vaxt tabloda olan 1:1 hesabının
qeydə alındığını açıqlayıb.
Xatırladaq ki, oyun oktyabrın 16-da Brüsseldə baş tutub. Qarşılaşma zamanı
şəhərin mərkəzində terror aktı nəticəsində İsveç millisinin iki azarkeşinin
həlak olması məlum olub. İlk hissə 1:1 hesabı ilə başa çatandan sonra oyun
davam etdirilməyib.
Qeyd edək ki, belçikalılar 2024-cü il Avropa çempionatına vəsiqəni hələ bu
oyundan əvvəl təmin etmişdilər.
Mənbə: TASS