Ukrayna İrana qarşı sanksiyalar tətbiq edəcək
Ukrayna Nazirlər Kabineti İrana qarşı sektoral sanksiyaların tətbiqi ilə bağlı
təkliflərini Milli Təhlükəsizlik və Müdafiə Şurasına göndərib.
Hökumətin fikrincə, Rusiyaya silah tədarükü ilə birbaşa məşğul olan şəxslər və
şirkətlərə ilkin məhdudiyyətlər İran tərəfindən ciddi xəbərdarlıq kimi qəbul
edilməyib. Bununla bağlı Nazirlər Kabineti sanksiyaların gücləndirilməsi barədə
qərar qəbul edib.
Nazirlər Kabinetinin təkliflərinə əsasən, sanksiyalar 50 il müddətinə tətbiq
ediləcək. Sənədə əsasən, İranlıların Ukraynadan kənara kapital çıxarması,
texnologiyalar, əqli mülkiyyət obyektlərinə hüquqların İran rezidentlərinə
ötürülməsi, İrana və ölkə sakinlərinin xeyrinə investisiyalar, İran
rezidentləri tərəfindən verilmiş elektron ödəniş alətləri (o cümlədən
köçürmələr, hesablaşmalar və nağd pul çıxarılması) üzrə xidmətlər qadağan
olunacaq.
Mənbə: rbc.ua