“Üzüklərin hökmdarı” kainatında yeni filmlər gəlir
“Warner Bros Discovery” şirkəti “Üzüklərin hökmdarı” (“The Lord of the Rings”)
kainatında yeni filmlərin çəkilişlərini elan edib.
Şirkət layihənin reallaşmasında “New Line Cinema” ilə əməkdaşlıq edəcək.
“Warner Bros Discovery”nin rəhbəri Devid Zaslavın sözlərinə görə, şirkət
“Embracer Group AB” ilə yeni bir müqavilə bağlayıb və bundan sonra Tolkinin bir
çox əsəri ilə bağlı layihələr həyata keçirə bilər.
Hələ ki, süjetin əsasını hansı mətnlər təşkil edəcəyi və Piter Ceksonun
layihədə rejissor kimi iştirak edib-etməyəcəyi bəlli deyil.
Mənbə: The Hollywood Reporter