Doğuşla bağlı müraciətlərin sayı 3099, hospitalizasiya 3084, tibb müəssisəsindən kənar doğuşların sayı 94 olub ki, onların da 93-ü hospitalizasiya olunub.
ÇıxışYolu.Com xəbər verir ki, bu sözləri jurnalistlərə açıqlamasında Təcili və Təxirəsalınmaz Tibbi Yardım Stansiyasının baş həkim müavini İradə Əliyeva stansiyanın yekun hesabatı haqqında danışarkən deyib.
Bildirib ki, doğuşla bağlı bədbəxt hadisələrin əksəriyyəti travmalar (zədələnmələr) nəticəsində baş verir:
“BŞT və TTYS-nin bölmələrinə (ambulator) birbaşa müraciətlərin sayı 31510 olub, onlardan 2591-i hospitalizasiya olunub. Hospitalizasiya olunan və evdə qalan ağır xəstələr haqqında ərazi üzrə müvafiq poliklinikalara məlumat verilib.
Ümumi müraciətlərin içində bədbəxt hadisələrin sayı 24895, hospitalizasiya 16734 olub. Bədbəxt hadisələr zamanı xəsarət alanların çox hissəsini travmalar (zədələnmələr) təşkil edir.
Travmalara məişət, nəqliyyat, istehsalat və digər zədələnmələr aiddir. Zədələnmələrin ümumi sayı 20114, hospitalizasiya 12543, bunlardan avtoqəza zamanı xəsarət alanların sayı 2363, hospitalizasiya 2058 olub”.