Nərimanov Rayon Məhkəməsində Psixi Sağlamlıq Mərkəzinin saxta sənəd düzəltməkdə təqsirləndirilən həkimi Hacıağa Mahmudovun cinayət işi üzrə məhkəmə prosesi başa çatıb.
ÇıxışYolu.Com xəbər verir ki, hakim Samir Məmmədovun sədrliyi ilə keçirilən prosesdə hökm oxunub.
Hökmə əsasən, H. Mahmudov barəsində 2 il müddətinə islah işləri cəzası təyin edilib. Onun maaşından 20 faiz dövlət nəfinə tutulacaq.
İttihama görə, H. Mahmudov Psixi Sağlamlıq Mərkəzinin həkimi vəzifəsində çalışarkən, xəstələrə sağlamlıq haqqında saxta arayış verib. Ona qarşı Cinayət Məcəlləsinin 309.1 və 313-cü maddələri ilə ittiham irəli sürülüb.
Etibar MƏMMƏDOV
www.ÇıxışYolu.Com