Abşeron rayon Məhkəməsində özünü öldürmə həddinə çatdırmada təqsirləndirilən Rüfət Ağalarovun cinayət işi üzrə məhkəmə prosesi başa çatıb.
Bunu ÇıxışYolu.Com-a açıqlamasında vəkil İkram Abdullayev deyib.
O qeyd edib ki, hakim Cəmilə Səfiyevanın sədrliyi ilə keçirilən iclasda hökm oxunub.
Hökmə əsasən, R.Ağalarov altı il altı ay müddətinə azadlıqdan məhrum edilib.
Qeyd edək ki, hadisə 4 aprel 2018-ci ildə Xırdalan qəsəbəsində baş verib. R.Ağalarovun həyat yoldaşı Nərmin Ağalarova özünü evin mansartından asaraq intihar edib.
İttihama görə, intihar edən qadın əri tərəfindən mütəmadi işgəncələrə məruz qaldığı üçün özünü asıb. Eyni zamanda, R.Ağalarovun başqa qadınla münasibətdə olduğunu həyat yoldaşı bilib. Buna görə onların arasında tez-tez mübahisə yaranıb.
Etibar Məmmədov
www.ÇıxışYolu.Com