Dövlət Sərhəd Xidmətinin (DSX) əməkdaşları tərəfindən qanunsuz olaraq Xəzər dənizi vasitəsilə ölkə ərazisinə narkotik vasitələrin qaçaqmal yolu ilə gətirilməsi cəhdinin qarşısı alınıb.
DXS-nin Mətbuat Mərkəzindən ÇıxışYolu.Com-a verilən məlumata görə, 2018-ci ilin fevral ayının 23-də Astara rayonu ərazisində DSX Sahil Mühafizəsinin texniki-müşahidə məntəqəsi tərəfindən naməlum üzmə vasitəsinin sərhəd sularımıza daxil olması və qısa müddət ərzində geri qayıtması müşahidə olunub.
Üzmə vasitəsinin sərhəd sularımızda hərəkət və dayanma koordinatları üzrə su səthinə baxış keçirilib, bir buya bərkidilmiş lövbərdə üç bağlama aşkar edilərək götürülüb.
Bağlamalara baxış zamanı 1325 qram marixuanaya, 560 qram heroinə və 80 qram kristal şəklində heroinə oxşar maddə aşkar olunub.
Fakt üzrə əməliyyat və istintaq tədbirləri davam etdirilir.
![Xəzərdə narkotik əməliyyatı](https://cixisyolu.info/wp-content/uploads/2018/03/8a22e202eeb2dd45e8a22f83e82acf34-1.jpg)
![Xəzərdə narkotik əməliyyatı](https://cixisyolu.info/wp-content/uploads/2018/03/b489fd457977b9703341b9c0cf204418-1.jpg)
![Xəzərdə narkotik əməliyyatı](https://cixisyolu.info/wp-content/uploads/2018/03/927e3e490ef717d86ebee460b606fad4-1.jpg)
![Xəzərdə narkotik əməliyyatı](https://cixisyolu.info/wp-content/uploads/2018/03/48dcdcf4f2e95f1594c38e0558cc1b48-1.jpg)