İyulun 31-də Heydər Əliyev Fondunun təşkilatçılığı, Mədəniyyət Nazirliyinin və “Gilan Holdinq”in dəstəyi ilə keçirilən X Qəbələ Beynəlxalq Musiqi Festivalının təntənəli açılış mərasimi olub.
ÇıxışYolu.Com xəbər verir ki, Qəbələ şəhərindəki Heydər Əliyev Konqres Mərkəzinin qarşısında quraşdırılan açıq səhnədə keçirilən mərasimdə ölkəmizdə musiqi mədəniyyətinin inkişafında və təbliğində müstəsna rol oynayan Azərbaycan Respublikasının Birinci vitse-prezidenti Mehriban xanım Əliyevanın festival iştirakçılarına təbrik məktubu oxunub.
Təntənəli açılış mərasimi digər çıxışlarla davam edib.
Çıxışlardan sonra Üzeyir Hacıbəyli adına Azərbaycan Dövlət Simfonik Orkestrinin konserti olub.
X Qəbələ Beynəlxalq Musiqi Festivalı avqustun 8-dək davam edəcək.