Xaçmazda qəzada ölən piyadanın şəxsiyyəti müəyyənləşib.
“Report”un Şimal bürosunun məlumatına görə, “KamAZ” markalı yük avtomobilinin
vurduğu piyadanın Quba rayonu, Vəlvələ kənd sakini, 1949-cu il təvəllüdlü
Cəbrayıl Mikayıl oğlu Zamanlı olduğu müəyyənləşib.
Hadisə yerində dünyasını dəyişən C.Zamanlının meyiti Məhkəmə-Tibbi Ekspertiza
və Patoloji Anatomiya Birliyinin Xaçmaz şöbəsinə təhvil verilib.
Faktla bağlı araşdırma aparılır.
15:00
Xaçmaz şəhərində piyadanın ölümü ilə nəticələnən avtoqəza baş verib.
“Report”un Şimal bürosunun məlumatına görə, Xaçmaz şəhərinin mərkəzində, Bakı
prospektindəki mərkəzi dairədə yolu keçmək istəyən kişini “KamAZ” markalı yük
avtomobili vurub.
Ağır xəsarətlər alan piyada hadisə yerində ölüb. Onun kimliyi dəqiqləşdirilir.
Əraziyə hüquq-mühafizə orqanlarının əməkdaşları gəliblər.
Faktla bağlı araşdırma aparılır.