Xalq artisti Vidadi Həsənov: “Mən göründüyüm kimi yox, olduğum kimiyəm” – VİDEO
Baku TV-də yayımlanan “Qapqara” verilişinin növbəti buraxılışı efirə gedib.
Verilişin budəfəki qonağı Xalq artisti, aktyor Vidadi Həsənov olub.
O, kənardan çox ciddi, qaş-qabaqlı görünməsinə rəğmən, ürəkdən gülməyi,
sevinməyi bacardığını da dilə gətirib:
“Mən göründüyüm kimi yox, olduğum kimiyəm”.
Xalq artisti bəzi aktyorların özünü “sənət şəhidi” adlandırmasına münasibət
bildirib:
“İncəsənət qurban-zad tələb etmir. Heç kim də qurbanlıq quzu deyil. Bu sənəti
seçən hər kəs nə ilə məşğul olacağını, hara gedəcəyini, nə əldə edəcəyini yaxşı
bilir”.
V.Həsənov sənətdən getməklə bağlı seçim qarşısında qalmağından da bəhs edib.
“40 yaşım olanda oturdum, düşündüm. Dedim, gedim, yoxsa qalım? Çünki
məsuliyyət daşıdığım insanlar və onların həyatları var idi. Amma yenə də gedə
bilmədim”, – aktyor söyləyib.
Ətraflı süjetdə: