Xalq artisti Simarə İmanovanın atası Cəlilabad rayonunda yolu keçərkən onu maşın vurub. Onun həyatını xilas etmək mümkün olmayıb.
Bu haqda ÇıxışYolu.Com-a açıqlama verən sənətçi bildirib ki, əvvəlcə atasının ölümündən xəbərsiz olub:
“Rayona gedirdik, zəng gəldi ki, atanın vəziyyəti ağırlaşıb, xəstəxanaya aparmışıq. Amma məni aldatmışdılar. Getdim ki, atam artıq rəhmətə gedib”.
İmanova bildirib ki, atasını maşın vurub:
“Bayram bazarlığı üçün evdən çıxıb, yolda maşın vurub. Sürücü atamı xəstəxanaya aparıb, amma həkimlər onu xilas edə bilməyib”.
Qeyd edək ki, ölüm xəbərini axsam.az saytı yayıb.