Xankəndidə “Qarabağ” – MOİK oyununda hesab açıldı – YENİLƏNİR + FOTO/CANLI
YAYIM
Bizim WhatsApp kanalımıza buradan abunə ola bilərsiniz
Azərbaycan Kubokunun 1/8 final mərhələsinin dekabrın 21-i Xankəndi şəhər
stadionunda keçirilən “Qarabağ” – MOİK matçında hesab açılıb.
Cixisyolu.com-ın məlumatına görə, oyuna əlavə edilmiş ilk dəqiqədə “Qarabağ” klubunun
futbolçusu Nəriman Axundzadə hesabı açıb.
15:09
Azərbaycan Kubokunun 1/8 final mərhələsi çərçivəsində Xankəndi şəhər
stadionunda keçirilən “Qarabağ” – MOİK matçında ikinci hissə başladı.
Cixisyolu.com xəbər verir ki, birinci hissədə hesab açılmayıb. Matçın 33-cü
dəqiqəsində “Qarabağ”ın futbolçusu Riçard Almeyda zədələnib. Onun yerinə
meydana 39-cu dəqiqədə Patrik Andrade daxil olub.
14:52
Azərbaycan Kubokunun 1/8 final mərhələsi çərçivəsində Xankəndi şəhər
stadionunda keçirilən “Qarabağ” – MOİK matçında ilk hissə başa çatıb.
Cixisyolu.com xəbər verir ki, birinci hissədə hesab açılmayıb.
14:00
Azərbaycan Kubokunun 1/8 final mərhələsinin “Qarabağ” – MOİK matçı başlandı.
Cixisyolu.com xatırladır ki, oyun 35 il sonra Xankəndi şəhər stadionunda keçirilir.
Matçdan öncə Prezident İlham Əliyev və Birinci vitse-prezident Mehriban Əliyeva
“Qarabağ” – MOİK oyununu izləmək üçün Xankəndi şəhər stadionuna gəliblər.
Əvvəlcə Azərbaycanın Dövlət Himni səslənib.
Bundan sonra torpaqlarımızın azadlığı uğrunda canlarından keçmiş
şəhidlərimizin xatirəsi bir dəqiqəlik sükutla yad edilib.
Azərbaycan Respublikasının Prezidenti İlham Əliyev stadionda çıxış edib
Sonra “Qarabağ” – MOİK oyununa Prezident İlham Əliyevin topa ilk toxunuşu ilə
start verilib.
Daha çox foto burada: PhotoStock.az
13:11
Azərbaycan Kubokunun 1/8 final mərhələsində keçiriləcək “Qarabağ” – MOİK
matçının başlamasına sayılı dəqiqələr qalır.
Cixisyolu.com-ın məlumatına görə, hər iki komandanın oyunçuları Xankəndi şəhər
stadionunda isinmə hərəkətləri edirlər.
13:01
Azərbaycan Kubokunun 1/8 final mərhələsində keçiriləcək “Qarabağ” – MOİK
matçını idarə edəcək hakimlərlə bağlı maraqlı məlumatlar var.
Qol.az-ın əldə etdiyi xəbərə görə, AFFA və Peşəkar Futbol Liqası təyinatlar
zamanı müəyyən həssas məqamları nəzərə alıb.
Belə ki, Xankəndi şəhər stadionunda keçiriləcək qarşılaşmanın referisi Əli
Əliyev 44 günlük Vətən müharibəsinin fəal iştirakçılarından olub. Bundan başqa,
matçın dördüncü hakimi Kamal Umudlu və yan xətt hakimi Taleh Məmmədov da İkinci
Qarabağ müharibəsinin veteranlarındandır.
Matçın hakim-inspektoru Munis Abdulayev isə bir vaxtlar Xankəndinin “Qarabağ”
komandasında oynayıb. O, daha sonra Azərbaycan çempionatlarında hakimlik edib.
Hazırda isə M.Abdullayev hakim-inspektor kimi fəaliyyət göstərir.
12:47
Futbol üzrə Azərbaycan Kubokunun 1/8 final mərhələsində bu gün üz-üzə gələcək
“Qarabağ” və MOİK klublarının start heyətləri açıqlanıb.
Cixisyolu.com-ın məlumatına görə, komandalar Xankəndi şəhər stadionunda oynanılacaq
matçda meydana aşağıdakı “11-lik”lərlə çıxacaqlar:
“Qarabağ”: 23. Luka Quqeşaşvili, 2. Mateus Silva, 13. Bəhlul Mustafazadə, 4.
Rahil Məmmədov, 44. Elvin Cəfərquliyev, 8. Marko Yankoviç, 20. Riçard Almeyda,
90. Nəriman Axundzadə, 19. Redon Cica, 17. Hamidu Keyta, 18. Juninyo
Baş məşqçi: Qurban Qurbanov
MOİK: 1. Zeynal Əhmədzadə, 97. Fərid Abbaslı, 3. Nicat Əskərov, 20. Nurlan
Bayramov, 4. Ülvi İbazadə, 6. İsa Zeynallı, 8. Ramil Orucov, 10. Xəyal Bədirov,
11. Elvin Vəliyev, 77. Elmir Rəhimzadə, 17. Sabir Allahquliyev
Baş məşqçi: Qəzənfər Abbasov
Qeyd edək ki, Azərbaycanın işğaldan azad olunmuş ərazilərində 30 ildən sonra
keçirilən ilk futbol matçı kimi tarixə düşəcək görüş saat 14:00-da başlayacaq.
11:59
Azərbaycan Kubokunda 1/8 final mərhələsinin “Qarabağ” – MOİK oyununun
keçiriləcəyi Xankəndi stadionu tarixi matça hazırlanır.
Cixisyolu.com stadiondan son görüntüləri təqdim edir:
Daha çox foto burada: PhotoStock.az
10:34
Azərbaycan Kubokunda 1/8 final mərhələsinin “Qarabağ” – MOİK oyununun
təyinatları açıqlanıb.
Cixisyolu.com-ın məlumatına görə, qarşılaşma hakimlər Əli Əliyev, Şirmamed Mamedov,
Taleh Məmmədov, Kamal Umudluya tapşırılıb. VAR-da Cavid Cəlilov, AVAR-da Kamran
Bayramov məsul olacaqlar.
Hakim-inspektor Munis Abdullayev, AFFA nümayəndəsi isə Emin Cəfərovdur.
10:19
Azərbaycan Kubokunun 1/8 final mərhələsində Ağdamın “Qarabağ” komandası ilə
MOİK klubunun görüşünü izləyəcək azarkeşlər Xankəndi şəhərinə çatıblar.
Cixisyolu.com xəbər verir ki, azarkeşləri daşıyan avtobus karvanı bu səhər saat 4-də
Bakıdan yola düşmüşdü. Xankəndiyə aparan yoldan görüntüləri təqdim edirik:
Daha çox foto burada: PhotoStock.az
08:00
Bu gün Xankəndi şəhərində tarixi oyun keçiriləcək.
Cixisyolu.com xəbər verir ki, Ağdamın “Qarabağ” komandası Azərbaycan Kubokunun 1/8
final mərhələsindəki oyunu adını daşıdığı Qarabağ bölgəsinin mərkəzi
şəhərlərindən olan Xankəndidə keçirəcək. “Qarabağ” MOİK-lə üz-üzə gələcək.
Xankəndi stadionunda reallaşacaq qarşılaşma saat 14:00-da başlayacaq. Matçın
qalibi 1/4 finalda “Sabah”la qarşılaşacaq. Oyunu yüzlərlə tamaşaçı stadiondan
canlı izləyəcək.
Xatırladaq ki, bu, 30 illik fasilədən sonra Qarabağ bölgəsinin işğaldan azad
edilən hissəsində ilk rəsmi oyun olacaq. Son dəfə işğal altında olmuş
ərazilərdə oyun 1993-cü ilin may ayında Azərbaycan çempionatında “Qarabağ”la
“Turan” (“Turan Tovuz”) arasında olub.
Ağdamın “İmarət” stadionunda keçirilmiş həmin matçda “Qarabağ” 2:1 hesabı ilə
qələbə qazanıb. Bu oyundan iki ay sonra Ağdam işğal edilib.
“Qarabağ” – MOİK qarşılaşmasından başqa bu gün Azərbaycan Kubokunda 1/8 final
mərhələsi çərçivəsində “Neftçi” – “Qaradağ Lökbatan” matçı da keçiriləcək. Bu,
1/8 final mərhələsinin son oyunu olacaq. Qarşılaşma Bakı vaxtı ilə 18:00-da
başlayacaq. Bu cütdən qalib ayrılacaq komanda növbəti mərhələdə “Sumqayıt”a
rəqib olacaq.
Qeyd edək ki, mərhələnin əvvəlki matçlarından sonra 1/4 finalda iki cütlük
müəyyənləşib. Yarımfinala vəsiqə uğrunda “Səbail” “Zirə” ilə, “Araz-Naxçıvan”
isə “Qəbələ” ilə qarşılaşacaq.
Rövşən Əsədov
