Xoakin Fenikslə Ledi Qaqanın baş rollarını oynadıqları filmin treyleri
yayımlandı – FOTO/VİDEO
Bizim WhatsApp kanalımıza buradan abunə ola bilərsiniz
“Warner Bros.” şirkəti “Joker” filminin sikveli olan “Joker: Folie a Deux”nun
tam treylerini təqdim edib.
Baş rollarını Xoakin Feniks və Ledi Qaqanın oynadığı filmin aktyor heyətinə
“Dedpul 2” filmindən tamaşaçılara məlum olan Zazi Bits, Brendan Qlison (“The
Banshees of Inisherin”) və Ketrin Kiner (“Kapote”) də daxildirlər. Filmin
rejissoru yenə Todd Fillipsdir.
Süjetə əsasən, “Joker”ə çevrildikdən və televiziyada canlı yayımda Murrey
Franklini öldürdükdən sonra Artur Flek “Arkhem” psixiatriya xəstəxanasına düşür
və burada həkim Harlin Kvinzellə tanış olur. İkisi tez bir zamanda dəlicəsinə
bir-birinə aşiq olanda Qothem rayon prokuroru Harvi Dent Arturun əvvəlki
hərəkətlərinə görə cinayət işi açır və Harlini cinayətdəki yeni tərəfdaşını
xilas etmək üçün hərəkətə keçməyə məcbur edir.
Cixisyolu.com-ın məlumatına görə, “Joker: Folie a Deux” üzərində iş 2021-ci ilin
payızında başlayıb. Premyera 4 oktyabr 2024-cü il tarixinə planlaşdırılır.
