Moskvada BMW markalı avtomobil avtobus dayanacağına çırpılıb.
“RİA Novosti”nin məlumatına görə, hadisə nəticəsində iki nəfər xəsarət alıb.
Bildirilir ki, BMW markalı avtomobil iki nəqliyyat vasitəsinin toqquşmasından sonra dayanacağa çırpılıb.
Faktla bağlı araşdırma aparılır.
Qeyd edək ki, fevralın 23-də Sankt-Peterburqda BMW X6 markalı avtomobil piyadaları vurub. Nəticədə iki nəfər ölüb, üç nəfər xəsarət alıb. Avtomobili milliyyətcə azərbaycanlı olan Murad adlı şəxs idarə edib.