Yunanıstanda qatar qəzasında ölənlərin sayı artdı
Yunanıstanda iki qatarın toqquşması nəticəsində ölənlərin sayı artıb.
Yanğınsöndürmə briqadasının son məlumatlarına görə, indiyədək 57 nəfərin
öldüyü təsdiqlənib.
Daha 56 nəfər itkin düşmüş hesab olunur.
Ölənlərin sayının daha da artacağı istisna olunmur.
Xatırladaq ki, qəza martın 1-də Yunanıstanın Tempi bölgəsində baş verib.
Sərnişin qatarı yüksək sürətlə yaxınlaşan yük qatarına çırpılıb. Nəticədə bir
neçə vaqon relsdən çıxaraq alovlanıb.
Mənbə: Haber Global