Martın 28-də Ankarada Azərbaycan Respublikasının müdafiə naziri, general-polkovnik Zakir Həsənov və Türkiyə Respublikası Silahlı Qüvvələrinin Baş Qərargah rəisi ordu generalı Hülusi Akar arasında görüş keçirilib.
Müdafiə Nazirliyindən ÇıxışYolu.Com-a verilən məlumata görə, görüşdə ölkələrimiz arasında hərbi əməkdaşlığın inkişaf perspektivləri, regionda sabitliyin təmin edilməsində Azərbaycan Ordusunun və Türkiyə Silahlı Qüvvələrinin rolu müzakirə olunub.
Tərəflər hərbi, hərbi-texniki, hərbi təhsil sahələrində əməkdaşlıq, birgə təlimlərin keçirilməsi və qarşılıqlı maraq doğuran digər məsələlər barədə fikir mübadiləsi aparıblar.
15:30
Azərbaycan müdafiə naziri, general-polkovnik Zakir Həsənov Türkiyə Silahlı Qüvvələrinin rəhbəri, Baş Qərargah rəisi Hülusi Akarla görüşüb.
ÇıxışYolu.Com bu barədə Türkiyə mətbuatına istinadla məlumat yayır.
Türkiyə Silahlı Qüvvələrinin açıqlamasında görüşün bu gün baş tutduğu qeyd edilib.