Zaxarova: “Moskva və İrəvan Rusiya kanallarının yayımı ilə bağlı danışıqlar
aparır” – VİDEO
Bizim WhatsApp kanalımıza buradan abunə ola bilərsiniz
“Moskva İrəvanın bu ölkədə Rusiya kanallarının yayımı ətrafındakı vəziyyətin
tənzimlənməsinə dair fəaliyyətlərindən xəbərdardır. Bu məsələ ilə bağlı
danışıqlar davam edir”.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova
brifinqdə News.ru-nun müxbirinin sualını cavablandırarkən deyib.
“Biz bu məsələ ilə bağlı Ermənistan tərəfi ilə əlaqə saxlayırıq,
məsləhətləşmələr aparırıq, fikir mübadiləsi başa çatmayıb. Biz İrəvana
fikirlərimizi çatdırmışıq və sıx əlaqə saxlayırıq”, – deyə diplomat Rusiya
telekanallarının Ermənistanda yayımı ilə bağlı vəziyyətdən danışarkən bildirib.
Onun sözlərinə görə, birgə məqsəd bütün mövcud problemli məsələləri həll etmək
və ortaya çıxan məsələləri qarşılıqlı hörmət əsasında həll etməkdir.
“Biz bu mövqedən çıxış edirik. Belə təmaslarda iştirak edən nümayəndələr məhz
buna yönəlməlidirlər”, – Rusiya XİN-in rəsmi nümayəndəsi qeyd edib.
Xatırladaq ki, martın 18-də Ermənistanın yüksək texnologiyalar sənayesi naziri
Mxitar Ayrapetyan bildirib ki, İrəvan tezliklə Moskvaya Rusiya telekanallarının
yayımı məsələsinin həlli ilə bağlı yeni təkliflər təqdim edəcək. Bundan əvvəl
Ermənistanın baş naziri Nikol Paşinyan respublikada yayımlanan Rusiya
kanallarının müqavilənin müəyyən bəndlərini pozduğunu bildirib.
Mənbə: TASS