Category: Idman

Almaniyanın Düsseldorf şəhərində keçirilən cüdo üzrə “Böyük Dəbilqə” turniri başa çatıb.

Azərbaycan Cüdo Federasiyasından ÇıxışYolu.Com-a verilən məlumata görə, qadınların yarışında +78 kq çəki dərəcəsində ölkəmizi təmsil edən İrina Kindzerska yalnız bir görüşdə uduzaraq bürünc medal qazanıb.

Cüdoçumuz 3-cü yer uğrunda qarşılaşmada Bosniya və Herseqovina təmsilçisi Larisa Ceriçə qalib gəlib.

Xatırladaq ki, Kindzerska 2 həftə əvvəl Parisdə keçirilən nüfuzlu yarışı da bürünc medalla başa vurub. Beləliklə, Azərbaycan cüdoçuları Almaniya turnirində 2 medala sahib olub. Kişi cüdoçularımız arasında ən yaxşı nəticəni gümüş medal qazanan Rüstəm Orucov göstərib.

Qeyd edək ki, Düsseldorf “Böyük Dəbilqə” turnirundə dünyanın 65 ölkəsindən 441 cüdoçu mübarizə aparıb.

www.ÇıxışYolu.Com

Futbol üzrə Azərbaycan Premyer Liqasında XVII tura yekun vurulub.

ÇıxışYolu.Com xəbər verir ki, turun son oyununda “Qarabağ” və “Kəpəz” komandaları üz-üzə gəlib.

“Azərsun Arena”da keçirilmiş görüş meydan sahiblərinin qələbəsi ilə yekunlaşıb – 1:0.

Yeganə qolu 85-ci dəqiqədə millimizin braziliyalı legioneri Rişard Almeyda vurub.

Bununla da “Kəpəz” Yunis Hüseynovun baş məşqçi olduğu dövrdə növbəti məğlubiyyətlə üzləşib və 7 xalla sonuncu pillədə qalıb.

Xallarını 44-ə çatdıran “Qarabağ” isə ən yaxın izləyicisi “Qəbələ” ilə xal fərqini 9-a çatdırıb və çempionluq şanslarını daha da yüksəldib.

S.T.
www.ÇıxışYolu.Com

Norveç yığması Cənubi Koreyanın Phençhan şəhərində keçirilən Qış Olimpiya Oyunlarının qalibi olub.

ÇıxışYolu.Com-ın məlumatına görə, norveçli idmançılar Olimpiadada 39 medal qazanıblar (14 qızıl, 14 gümüş və 11 bürünc).

Norveç təmsilçiləri bu medallardan yeddisini dağ-xizək idman növlərində (1-4-2), altısını biatlonda (1-3-2), 14-nü xizək yarışlarında (7-4-3), beşini xizəkdə tramplindən tullanmada (2-1-2), dördünü konkisürmədə (2-1-1), bir bürünc medal kerlinqdə, bir qızıl fristaylda, bir gümüş medal isə ikinövlü xizəksürmədə qazanıblar.

Onlar ABŞ millisinin 2010-cu ildə Vankuverdə göstərdiyi (37 medal) nəticəni üstələyərək tarixi rekorda imza atıblar.

www.ÇıxışYolu.Com

Dağıstan polisi və respublikanın Federal Təhlükəsizlik Xidməti (FTX) Rusiya DİN-nin Dağıstan üzrə cinayət axtarışı şöbəsinin rəisi, polkovnik Xaybula İbnuxacarovu saxlayıb.

ÇıxışYolu.Com xəbər verir ki, bu barədə TASS və RBK agentlikləri məlumat yayıb.

“İbnuxacarovu maliyyə hesabatlığının saxtalaşdırılmasında ittiham edirlər, cinayət işinin qaldırılması haqqında məsələyə baxılır”, – deyə, RBK-nın mənbələri bildiriblər.

Məlumata görə, İbnuxacarovla yanaşı daha bir əməkdaş sənədləri saxtalaşdırmaqda şübhəli bilinir. Yoxlamalar respublikanın bütün güc strukturlarında aparılacaq, RBK yazır.

Dağıstan DİN-nin saytında bildirilir ki, idarədə iki əməkdaş tərəfindən maliyyə pozuntuları aşkarlanıb və onların işdən çıxarılması haqqında məsələyə baxılır.

Qeyd edək ki, fevralda Dağıstanda genişmiqyaslı antikorrupsiya yoxlamaları başlayıb. Yoxlama çərçivəsində respublika hökumətinin başçısı Abdusəməd Həmidov, onun müavinləri və daha bir neçə məmur saxlanılıb. Onları dələduzluqda ittiham edirlər.

www.ÇıxışYolu.Com

İdman Arbitraj Məhkəməsi (CAS) Cənubi Koreyanın Pyanqçanq şəhərindəki XXIII Qış Olimpiya Oyunlarında körlinq növü üzrə bürünc medal qazanmış rusiyalı Aleksandr Kruşelnitskinin anti-dopinq qaydalarını pozduğunu təsdiqləyib.

ÇıxışYolu.Com xəbər verir ki, CAS-ın qərarına əsasən, idmançının dopinq-testi müsbət nəticə verib.

Onun orqanizmindən qadağan olunmuş meldonium maddəsi aşkarlanıb. Kruşelnitskinin özü də faktı etiraf edib. Cütlükdən bürünc medal alınacaq.

Medalların yenidən bölüşdürülməsi məsələsinə Beynəlxalq Olimpiya Komitəsi və Ümumdünya Körlinq Federasiyası baxacaq. Bu qərardan sonra Rusiyanın aktivindəki medalların sayı 13-ə (4 gümüş, 9 bürünc) enib.  

Qeyd edək ki, Aleksandr Kruşelnitski olimpiadada həyat yoldaşı Anastasiya Brızqalova ilə birgə çıxış edib. Onlar qarışıq qoşa yarışda bürünc medal qazanıblar. 

S.T.
www.ÇıxışYolu.Com