Category: Xarici xəbərlər

Səudiyyə Ərəbistanında qadınların orduda xidmət etməsinə icazə verilib.

ÇıxışYolu.Com xəbər verir ki, bu barədə “Khaleej Times” məlumat yayıb.

Məlumata görə, Ər-Riyad, Mədinə, Məkkə və Əl-Qasimədə qadınlar ölkədə təhlükəsizliyin təmin olunması ilə bağlı vakant yerlər üçün ərizə verib, işə qəbul oluna biləcək.

Bunun üçün qadınlar müəyyən kriteriyalara cavab verməli olacaq. Məsələn, ən azından qadınların orta məktəbi bitirməsi tələb olunacaq.

Yalnız yaşları 25-35 arasında olan qadınlar ərizə verə biləcək. Ərizəçi qadınlar həyat yoldaşları ilə birgə işləmək istədikləri yerdə yaşamalı olacaq.

www.ÇıxışYolu.Com

Tbilisinin mərkəzində Tevdor Mqvdeli küçəsində, Vağzal meydanı və “Dinamo” stadionu yaxınlığında yerləşən bazarda güclü yanğın baş verib

ÇıxışYolu.Com bu barədə “Sputnik Qruziya”ya istinadən xəbər verir.

Yanğının söndürülməsinə böyük qüvvə – 35 yanğınsöndürmə texnikası, yüzə yaxın xilasedici səfərbər olunub. Hadisə yerinin giriş-çıxışları polis tərəfindən bağlanıb.

Buna baxmayaraq, bəzi ticarət obyektlərinin sahibləri və satıcılar yanan bazarın ərazisinə daxil ola bilib. Bazardan çıxan işçilər şokda olduqlarını və demək olar ki, bütün əmlakın məhv olduğunu söyləyib.

www.ÇıxışYolu.Com

“Apple” bu ilin sonunda üç yeni “iPhone” modeli buraxmağı planlaşdırır.

ÇıxışYolu.Com xəbər verir ki, bu barədə “Bloomberg” agentliyi korporasiyadan olan mənbələrə istinadən məlumat yayıb.

Məlumata görə, yeni  modellər indiyə kimi buraxılmış “iPhone”larla müqayisədə böyük ekrana malik olacaq. Smartfonlar, böyük ehtimalla, yenilənmiş iOS12 əməliyyat sistemi və daha geniş funksionallığa malik “Siri” fərdi yardımçısı ilə təchiz ediləcək.  

Şərti olaraq “D33” adlandırılan böyük smartfon bütün ön panel boyunca yayılan 6,5 düym ekrandan ibarət olacaq və ikiyə bölünən ekran funksiyası ilə təchiz ediləcəyi istisna edilmir.

Bundan başqa, “iPhone X” modelində olduğu kimi, “böyük” smartfonda smartfonu təhlükəsizlik şəkildə blokdan çıxarmağa kömək olan Face ID texnologiyasını işə salıb. “iPhone X” büdcə versiyasında A12 prosessorundan istifadə olunacağı bildirilir.

Agentliyin məlumatına görə, gələcəkdə iki SİM kartı dəstəkləyən böyük ekranlı smartfonun da istehsalı istisna edilmir. Ancaq hələlik bununla bağlı qərar yoxdur. 

Agentlik qeyd edir ki, smartfonlarda E-SİM texnologiyasının tətbiqi də gözlənilir. Bu texnologiya SİM kartı dəyişmədən müxtəlif provayderlərə qoşulmağa imkan verir.

“Apple” şirkətinin rəsmisi yayılan xəbəri şərh etməkdən imtina edib.

www.ÇıxışYolu.Com

Bəşər Əsəd rejimi Suriyada 30 günlük atəşkəsin tətbiqi ilə bağlı BMT Təhlükəsizlik Şurasının qərarına tabe olacağını bildirib.

ÇıxışYolu.Com-ın Tükiyə mediasına istinadən məlumatına görə, ilk günlər bu qərarı tanımadığını bildirən Suriya rəhbərliyi Rusiya Federasiyasının prezidenti Vladimir Putindən gələn təlimat əsasında atəşkəsə əməl olunacağını bildirib.

Qeyd edək ki, BMT Təhlükəsizlik Şurası Suriyanın Şərqi Guta bölgəsində yaşanan insanlıq dramını dayandırmaq üçün Suriyada qarşı duran tərəfləri 30 günlük atəşkəsə dəvət etmiş və bununla bağlı qərar qəbul etmişdi.

Məlumatlara görə, Şərqi Gutada bombardmanlar nəticəsində mindən artıq insan qətlə yetirilib.

Kamil HƏMZƏOĞLU
www.ÇıxışYolu.Com

Papua-Yeni Qvineyada zəlzələ nəticəsində ölənlərin sayı 30 nəfəri ötüb, 300-dək insan xəsarət alıb.

ÇıxışYolu.Com-ın “RİA Novosti” agentliyinə istinadən verdiyi xəbərə görə, bundan əvvəl 10 nəfərin öldüyü bildirilib.

Məlumata əsasən, ölkə ərazisində çox sayda tikililərə ziyan dəyib, elektrik enerjisi təchizatı pozulub. Zəlzələ hava nəqliyyatının fəaliyyətinə təsir göstərib.

Qeyd edək ki, ötən gün Papua-Yeni Qvineyada 7,5 bal gücündə zəlzələ baş verib.

www.ÇıxışYolu.Com

Meksikanın Oaxaka ştatının San-Casinto-Amilpas şəhərində bir neçə qadın simvolik olaraq ağaclarla izdivac qurub.

ÇıxışYolu.Com xəbər verir ki, bu barədə “Metro” nəşri məlumat yayıb.

Perulu aktyor və ətraf mühit fəalı Riçard Torresin təşəbbüsü ilə təşkil olunan mərasim fevralın 25-də keçirilib. Ağ donda olan qadınlar ağacları qucaqlayıb və öpüb, ağaclara sadiqlik andı içib, havaya gül buketləri atıb.

İnk adətləri əsasında oynanılmış simvolik toyda, ətraf mühit fəalları, dünya ictimaiyyətinin diqqətini Meksikanın cənub-qərbində meşələrin qanunsuz olaraq kəsilməsinə yönəltməyə çalışıb.

2017-ci ilin dekabr ayında Riçard Torres Peruda anoloji tədbir keçirmişdi. O bu yolla minlərlə ağacın xilas edilməsinə nail olacağına ümid edir.

www.ÇıxışYolu.Com

Frankfurtda (Almaniya) tarixi barəsində ilk məlumatın 1061-ci ildə qeydə alındığı qədim Qoqentsollern nəslinin 39 yaşlı nümayəndəsi, şahzadə Karlos Patrik həlak olub.

ÇıxışYolu.Com FAZ-a istinadən xəbər verir ki, şahzadə İnterContinental hotelinin 21-ci mərtəbəsindən yıxılıb.

Yerli KİV-in məlumatına görə, polis baş vermiş hadisəni bədbəxt hadisə saymır, bununla yanaşı, kriminal motiv də əsas versiya kimi qeydə alınmayıb.

2014-cü ildə şahzadə Karlos Patrik 8,8 mln. avro dələduzluğa görə 4 il həbs cəzasına məhkum olunmuşdu. Ötən iyulda o, müddətin üçdən ikisini başa vurduqdan sonra vaxtından qabaq azadlığa buraxılmışdı.

Bildirilir ki, ötən cümə günü o, həbsdən azad edilib. Həbsxanada dustağın heç zaman psixoloji yardıma müraciət etmədiyini bildirilir.  

А.B.
www.ÇıxışYolu.Com

Slovakiyada Ringier Axel Springer adlı alman-isveçrə nəşriyyat evinin “törəmələrindən” birinin əməkdaşı Yan Kutsiyak öldürülüb, ÇıxışYolu.Com xəbər verir.
Kutisyak və onun rəfiqəsinin amansız hücuma məruz qaldığı bildirilir.

Cinayətin təfərrüatları sonadək aydınlaşdırılmasa da, “onun həmkarımızın məşğul olduğu araşdırma ilə bağlı olduğu barədə şübhələr yaranır”, – deyə, Axel Springer nəşriyyatından DW-yə bildiriblər.

Kutsiyak araşdırma jurnalistikası ilə məşğul olub və 2015-ci ildən Ringier Axel Springer-in Slovakiya bölməsinə məxsus olan AKtuality.sk xəbər portalında çalışıb.

O, fevralın 9-da dərc olunmuş sonuncu materialında bahalı mənzillər kompleksi ilə bağlı vergi maxinasiyalarından yazıb.

Slovakiyanın Dennik N informasiya portalının məlumatına görə, 27 yaşlı jurnalist ötən həftənin sonunda, Bratislavadan 65 km şərqdə yerləşən evində güllələnib.

А.B.
www.ÇıxışYolu.Com

Dünyada ən böyük yük təyyarələrindən biri olan Airbus Beluga Almaniyanın Hamburq şəhərinin səmasında yanmağa başlayıb.

Bu barədə ÇıxışYolu.Com Bild-ə istinadən xəbər verir.

Məlumata görə, alovlanma pilotun kabinəsində baş verib. Təyyarə Hamburqda təcili eniş etməli olub.

Təyyarənin 3 nəfərdən ibarət ekipajı xəsarət almayıb.

A.B.
www.ÇıxışYolu.Com