MBD PA müşahidə missiyası: İnsanlar sözə deyil, əmələ güvənir

MBD PA müşahidə missiyası: İnsanlar sözə deyil, əmələ güvənir

Baxış sayı: 3. 905 dəfə baxılıb.

MDB Parlament Assambleyası müşahidə missiyasının rəhbəri, Rusiyanın Federasiya Şurasının sədrinin müavini İlyas Umaxanovun başçılığı ilə nümayəndə heyəti Azərbaycan prezident seçkilərində səsvermə prosesini izləməyə başlayıb.

ÇıxışYolu.Com-ın məlumatına görə, 29 saylı seçki dairəsinin 2 saylı seçki məntəqəsində səsvermənin başlanmasını müşahidə edən İ. Umaxanov Azərbaycan xalqını vacib siyasi hadisə, ölkə prezidentinin seçilməsi ilə bağlı təbrik edib.

“MDB PA-dan olan beynəlxalq müşahidəçilər kimi seçki komissiyasının çox dəqiq və sistemli işini görürük.

Mən prezident seçkilərini artıq dördüncü dəfədir müşahidə edirəm. Həm təşkilatçılıq, həm də əhval-ruhiyyə günü-gündən yaxşılaşır, həmçinin ölkə qanunvericiliyi, xüsusilə seçki qanunvericiliyi mükəmməlləşir.

Açıq, daha demokratik, cəmiyyətin bütün təbəqələrinin ümumi maraqlarına, o cümlədən müxalifətin maraqlarına xidmət etmək istiqamətində yaxşılaşır.

İnsanlar seçkilərə yaxşı əhval-ruhiyyə ilə gəlir.

Qafqazda qəbul olunub ki, insanlar sözə deyil, əmələ güvənirlər.

İnsanlar səsverməyə xoş əhval-ruhiyyə, gələcəyə inamla, ölkələrini stabil, çiçəklənən, sülh şəraitində görmək ümidi ilə gəlirlər.

Əminik ki, Azərbaycan xalqı düzgün seçim edəcək”, – deyə o vurğulayıb.

Kamil HƏMZƏOĞLU
www.ÇıxışYolu.Com