Türkiyənin baş naziri Binəli Yıldırım Ərbilə qarşı qəbul olunmuş məhdudlaşdırıcı ölçünün ləğv olunduğunu elan edib. Söhbət Ərbil aeroportuna və aeroportundan hava reyslərinə qoyulmuş qadağanın ləğvindən gedir.
ÇıxışYolu.Com xəbər verir ki bu barədə “Anadolu” xəbər agentliyi məlumat yayıb.
Kürd muxtar bölgəsinin keçirdiyi qalmaqallı müstəqillik referendumundan sonra oktyabr ayında Türkiyə milli təhlükəsizlik şurasının göstərişi ilə Türkiyənin hava məkanı Ərbildən uçan təyyarələr üçün bağlanmışdı.
“(25 sentyabr) referendumundan sonra hava məkanının bağlanmasına dair qərar qəbul olunmuşdu. Bu gündən etibarən həmin məhdudiyyət qaldırılıb” deyə Yıldırım jurnalistlərə verdiyi açıqlamada bildirib.